AI 令唔少工種面臨夕陽化，同時都為唔少人帶嚟新機會。講緊嘅就係一份新興工種－ Prompt Engineer。有玩過生成式 AI （例如 ChatGPT、MidJourney 等）嘅相信都知道咩叫「Prompt」，中文有人譯做「咒語」。簡單嚟講「Prompt」係用於生成式人工智能（Generative AI）中要輸入嘅指令，係同 AI 溝通嘅方法，令你可以用文字有效咁解決各種問題。
🤔而家使用 AI 工具，最大問題係：
唔知你地有無遇過 ChatGPT 嘅答案唔係好準，要前後 fine-tune 幾次先得到想要嘅答案？
Prompt Engineer 嘅角色就係開發同優化生成式 AI 生成嘅文本，以確保準確性同相關性，並與 AI 系統（例如 ChatGPT）進行 fine-tuning。工程師設計巧妙嘅 Prompt，將生成式 AI 推向極限，從而創造更好嘅 AI 驅動服務，同獲得更好嘅結果。
舉個例子，當我想用 AI 生成一篇關於「有效時間管理的10個技巧」嘅文章，Prompt Engineer 嘅目標係確保 AI 生成嘅文章，提供 10 個實用嘅時間管理技巧，包括優先順序設定、目標設定，同埋要克服常見嘅浪費時間活動策略，務求 AI 以系統可以獲得最精準嘅答案。
根據 Bloomberg 嘅數據，美國嘅 Prompt Engineer 平均稅前年收入係 $175,000 USD 到 $335,000 USD 之間（兌返港紙月薪約 11萬6 – 22萬3）。目前喺香港仲未有公司開始招聘 Prompt Engineer 職位，但從長遠嚟睇，呢個都係一個具有發展潛力嘅領域。大家仲唔努力啲學習更多 AI 嘅知識？去 Facebook 同 Instagram 追蹤我哋就已經踏出咗一大步啦！
即刻推薦你下載一本免費82頁 DALL·E Prompt 咒語天書！
㩒入 DALL·E 天書 睇下啦！
