無論係網站設計，定係營運社交平台，都離唔開圖片設計。相比之下而家有咗各種嘅 AI 工具幫手，令大家可以較為容易就設計到精美嘅圖片。而今次為大家介紹一個唔錯嘅 AI 繪畫工具－DALL·E，佢唔單止可以免費使用，而且生成出嚟嘅圖像品質都好高！
首先講下，DALL·E 係由 OpenAI 開發嘅一個特別人工智能模型，佢用到生成對抗網絡（GAN）技術，可以根據你嘅文字描述生成對應嘅圖像。要用到 DALL·E 嚟生成圖片操作超簡單，你只需要打幾個字嘅描述，例如「一隻橙色嘅大象著粉紅色連衣裙」或者「一個由螺旋狀朱古力條組成嘅城堡」，DALL·E 就可以根據你嘅描述生成一張逼真嘅圖像。佢可以理解文字描述中嘅物體、形狀、顏色同埋紋理，然後合成一張好靚嘅圖片。
💢 突破區域限制
不過香港用戶現時仲未可以用到 DALL·E，唯一係要經過第三方平台嚟體驗，包括早前介紹過嘅《tokto》、《Bing Image Creator》都可以免費用到。
🔥 唔使英文咒語（Prompt）生成！
要用 AI 繪畫一定要根據你輸入描述嘅文字（即 Prompt），不過現時系統對於中文理解度唔高，需要用英文輸入，加上對藝術唔太了解，都可能會令唔少人卻步。不過只需要配合《poe》呢個 AI 聊天工具，就可以協助你輸入中文，同描述出心中所想嘅畫面，系統會為你生成出圖片嘅 Prompt，根據聊天機器人嘅建議設定就可以啦！
如果你嘅事業都想走上數位化嘅改革，就立即搵我哋傾傾啦！
