foundy-logo-bw

>>

Wi-Fi Router 技術知多少.無死角網速唔受限⚡

更新:2024-01-31

明明揀寬頻上網 Plan 嘅時候已經用緊 1000 或者 2000 Mbps 網速,但用緊 Wi-Fi 嘅時候都好似唔夠快,仲要有啲角落位硬係收得好差😔 咁你就要諗吓你嘅 router 係咪用咗好多年冇換過?當你有越嚟越多嘅設備加入 Wi-Fi 網絡嘅時候,一部已經過時嘅 router 根本就跟唔上,係時候要升級一部新嘅 router 喇!基本上 router 係要定期換㗎,咁先可以跟得上無線技術嘅進步,網速先唔會受限,而且想全屋 Wi-Fi 無死角嘅話更加要留意番 router 嘅 spec 喇,而家話比你知點揀先係最好啦👇🏻

 

🌟Router 嘅原理

佢主要嘅功能就係連接唔同嘅網絡,通過乙太網電纜或者 Wi-Fi 網絡將 internet 連接傳遞去你屋企嘅唔同設備,例如手機、電腦、Printer 等,即係創建咗一個私人無線網絡比你。而 Wi-Fi 就係透過 Router 喺無線電頻段上傳輸,就好似高速公路一樣,每個頻段都係唔同嘅車道,將資料保存喺唔同嘅路線上面,避免擠塞嘅情況出現。記住喇,router 同數據機係唔同嘅嘢嚟,router 係要連接去數據機先可以做到上網呢個功能,而 router 就係一條橋樑比你同時間連接唔同嘅設備去上網。

 

🌟Router 代碼代表啲咩?

揀 router 嘅時候,成日都見到 「AC1200」、「AX6000」,係咪睇到頭都暈呢?其實呢個代碼好易睇㗎!

🔸AC 代表支援 Wi-Fi 5 標準,適合高速連接

🔸AX 代表支援最新嘅 Wi-Fi 6 標準,即係比 Wi-Fi 5 有更快嘅速度、更好嘅連接範圍同埋多  設備支援🤩

🔸而後面嘅數字,例如 「AX6000」嘅 6000 係指 router 最大嘅無線傳輸速度,數字越大,速度嘅潛力就越大!

 

🌟唔同頻段數量又代表咩?

Router 嘅效率係取決佢擁有嘅頻段數量👉🏻單頻、雙頻或者三頻,而某啲設備係比其他設備需要用更多嘅頻寬,例如 喺 Smart TV 睇 4K 影片,而且頻段數量越多,可以同時支援更多設備同時間用㗎,對於有高頻寬活動嘅家庭,揀雙頻,甚至三頻就更加可以享受到高網速嘅快樂😆

 

🌟點樣可以無死角咁用到 Wi-Fi?

咁你就要揀啱 router 喇!

🔸標準 router:

適合番小型單位或者單層住宅,價錢比較相置,設定 router 勁簡單,大部分牌子都係一部手機就可以跟住個步驟快速完成安裝!

🔸Mesh router:

適合番大型單位或者多層住宅,可以透過 Mesh router 產品令子路由同埋主路由自動連接,而且擴展完之後嘅網絡唔會減速一半,確保每個角落都有穩定嘅 Wi-Fi 覆蓋🤩

 

至於要點揀就視乎番你屋企嘅人數同埋對高頻寬嘅需求喇😎 例如小型家庭,平時都唔係人人喺同一時間睇片或者打機,只係間唔中上吓 Facebook 咁,揀雙頻嘅 AC1200 或者 AX1500 嘅 router 都好夠用㗎喇✨ 但如果係大型住宅或者有家庭成員經常打機或者睇 4K 影片就要考慮買 AX3000 或者更高規格嘅 router 喇😎

最新動態
風靡全球嘅對話式 AI 👉🏻 Poe
🧑🏻‍💻軟體開發架構點揀❓單體架構 🆚 微服務
💭 行銷必識.解構搜索引擎原理 🔎
更多相關