foundy-logo-bw

>>

AI 生成 PowerPoint 神器 🖥️ 👉🏻 Gamma

更新:2024-01-18

你仲喺度自己慢慢砌 PPT?咁真係太辛苦喇😔❗又或者用 ChatGPT 生成內容再慢慢複製同貼上?仲要自己砌版面或者上網搵模板?咁都係太嘥時間喇❗不如睇吓今次介紹近期最 hit 嘅AI 生成 PowerPoint 神器🖥️👉🏻Gamma 啦🤩用咗佢,本身用兩個鐘先做好嘅 PPT,可能剩係需要 60 秒就搞掂一份精美嘅 PPT,快到你唔信❗

 

🌟Gamma 係咩?

佢係一款由外國公司開發嘅 AI 生成工具,可以生成 PPT、文件同埋一頁式網頁。佢擁有大量嘅模板設計同埋素材可以套用之餘,仲有海量嘅媒體嵌入功能,慳番好多時間🤩而且,對於香港同台灣人嚟講,佢最正嘅地方絕對係支援繁體中文😎準確度都做得相當唔錯❗

 

Gamma 係透過以聊天室對話形式進行,只要輸入咗標題,佢就會提供大綱比你,合適嘅話就可以一鍵生成 PPT,完成初步嘅樣式之後唔滿意仲可以繼續叫 AI 幫你改寫內容、生成圖片或者調整呈現方式等。

 

而且,佢仲有一個對於經常要喺公司或者客戶面前匯報嘅人嚟講特別實用👉🏻Spotlight 主題聚焦功能。佢會按照元件嘅順序自動突顯內容,將其他內容較暗。而喺 PowerPoint 程式入面要做到類似效果絕對會令你崩潰,每個元件都要設定入場畫,冇一個鐘以上都做唔到呀🫨

 

🌟Gamma 係唔係免費?

註冊完帳戶之後,免費會員可以拎到 400 Credits,而介紹朋友註冊可以另外再拎到 200 Credits🤩,大概可以免費整到 3️⃣ 次 PPT。用完之後就要比錢先可以再用㗎喇❗

 

收費計劃方面,佢有 Gamma Plus 同埋 Gamma Pro 計劃選擇,如果係用年繳方式,每月費用分別係 USD 8 同埋 USD 15。不過 Plus 收費計劃一個月淨係得 400 Credits 可以用,但 Pro 收費計劃就冇限制,而且仲有更進階嘅功能提供比你,例如進階嘅 AI 助手、自訂字體等。如果你係經常都要整 PPT 嘅話,Pro 嘅收費計劃就更適合你,唔洗就住就住啲 Credit 用。

 

最後,坊間都仲有唔少嘅 AI PPT 生成工具,例如 Tome、Prezo 等,但係 Gamma 勝在排版設計同埋格式設計變化多元化啲,令用家可以按照自己需要進行調整,令 PPT 更有個性同埋專業,睇落好似用咗好多心血去整咁🧑🏻‍💻分分鐘令老細同客人對你嘅印象變得更加好。

 

當然,對比起用 Canva 設計版面,Gamma 都係有限制嘅,但對於需要量產 PPT 嘅人嚟講真係慳唔少時間㗎!你都快啲嚟試吓用 Gamma 體驗佢犀利嘅地方啦❗

最新動態
風靡全球嘅對話式 AI 👉🏻 Poe
🧑🏻‍💻軟體開發架構點揀❓單體架構 🆚 微服務
軟體開發必用❗❗GitHub
💭 行銷必識.解構搜索引擎原理 🔎
AI 整圖工具・一鍵生成⚡
更多相關
IT 資訊

🧑🏻‍💻軟體開發架構點揀❓單體架構 🆚 微服務

無論係初步開發軟體階段定係開發完軟體考慮緊轉架構嘅時候,你都要了解吓時下最流行嘅兩種軟體架構👉🏻單體架構(Monolithic Architecture)同埋微服務(Microservices),一齊…