foundy-logo-bw

>>

AI 整圖工具・一鍵生成⚡

更新:2024-02-17

📢喺而家 AI 崛起嘅年代,無論你係老闆定係打工仔,絕對唔可以唔知道 AI 嘅整圖工具🧑🏻‍💻整圖新手又好,老手又好,只要文字提示(Prompt)輸入得好,一鍵就可以生成圖片,簡單又易用😍不過認識唔少工具嘅你,都知道近年最 Hit 絕對係 Midjourney,但佢喺上年年頭已經全面收費喇😣Budget 唔多又想先體驗吓 AI 整圖可以詳細睇吓以下嘅四種免費工具喇😎

 

先同新手科普一下 AI 整圖原理 👉🏻佢係由生成式 AI 技術建立圖像,包括用機器學習同埋深度學習模型,而呢啲圖像係利用 Prompt 等 AI 喺佢嘅資料庫入面搵到相關或者相似嘅資料再去建立全身嘅圖像,可以係藝術風格、擬真風格等等。

 

1️⃣ NightCafe

佢 係一款有多種 AI 模型揀嘅應用程式,例如 DALL-E2、SDXL1.0等。除咗用簡單嘅 Prompt 生成超真實同埋創意圖片之外,仲可以上傳相去轉換唔同風格,令初學者都可以一鍵生成到又靚又創意十足嘅圖像,實現到唔係設計師都整到靚圖嘅夢想。最正嘅係除咗每日都可以拎到 5 個 credit 體驗之外,仲可以透過分享作品去自己嘅社交媒體賺 credit 繼續用😍不過如果想要高解析度嘅圖像就要買 Pro 版喇!

 

2️⃣ DeepAI

佢係一款好啱新手試玩嘅應用程式,有唔同嘅風格同埋模式可以比你揀,仲提供一啲有趣嘅實驗性模型,例如圖像詞嵌入同埋圖像插值,比你進一步探索生成式AI嘅用法。而且付費版仲可以用 API 自定義設計,包括咗文字到圖像、圖像填色、圖片編輯同埋幻想世界生成器。

 

3️⃣ Playground AI

佢最大嘅特式係混合圖像編輯(Mixed Image Editing)功能,將真實圖像同埋合成圖像組合喺一齊創作出特別嘅作品,例如上載一張車嘅相,要求增加一個人企喺車頂或者將路人刪除等都可以做到。而且每日可以生成到最多 1000 張圖像,當然啦,越複雜嘅 Prompt 用嘅 credit 就越多。

 

4️⃣ Deep Dream Generator

佢都係有唔同嘅風格可以揀,亦可以將自己嘅相根據番喜好微調,生成出更細緻同埋更有創意嘅嘅圖像。而喺免費計算可以拎到 50 credits 比你慢慢體驗🤩

 

基本上免費嘅 AI繪圖嘅工具都有啲限制,但對於使用量唔算大嘅用家或者學習緊嘅新手嚟講已經絕對夠用,但對於使用量大嘅人嚟講都係乖乖咁用番收費嘅 Midjourney 或者其他工具去生成大量嘅圖啦❗

最新動態
風靡全球嘅對話式 AI 👉🏻 Poe
🧑🏻‍💻軟體開發架構點揀❓單體架構 🆚 微服務
💭 行銷必識.解構搜索引擎原理 🔎
更多相關