架設網站好難❓三大熱門方法點揀好❓相信呢兩個問題都有唔少人問😵💫無論係 Start up 公司，定係公司發展到一定程度想重整網站，都離唔開選擇架設網頁平台、聘請 IT 外判團隊或者由自家 IT 團隊編程架設網頁。而家就簡單同你比較一下 WordPress、Wix 及編程啦！
1️⃣ WordPress
WordPress 近年嚟幾乎係架設網頁嘅免費主流平台🔥，比起自行編程更容易上手，平台功能強大，更加有靈活內容管理系統，提供大量嘅主題同外掛程式。可以令新手遵循所提供嘅主題框架再加以改良，又可以滿足公司簡單優化 SEO 排名，可以透過外掛程式更深入完整咁分析，例如 Rank Math。WordPress 自由度同彈性非常大，幾乎你想要有嘅功能都可以完全做到，而且更適合架設比較複雜嘅網站，包括電商網頁、品牌網站、Blog 同會員平台網頁等。對於想要更多控制權嘅用家嚟講，WordPress 的確係一個好好嘅選擇🌟
不過，使用 WordPress 都需要一定嘅上手時間，摸索同學習，而且需要自己處理網站嘅安全性、定期要更新同維護。加上隱藏費用都唔少，想用部分更完整功能嘅外掛程式都需要收費。
2️⃣ Wix
Wix 絕對係最容易用嘅網站架設平台，揀好啱你嘅收費計劃就可以使用😍，而且內設大約 250 個免費及收費嘅外掛應用同大約 300 個網頁模版。只需要揀好網頁模版，網頁編輯器憑拖拉唔同版塊進行排版、文字填充，無需編程知識都可以輕鬆架設好唔錯嘅網頁。加上，Wix 提供優秀嘅託管同技術支持，有咩疑難都可以透過電話直接搵客服幫手解決🦾，而且可以喺佢嘅論壇上面搵到特別適合初學者嘅 Wix 文章同教程。對於架設功能簡單，資訊量又大嘅網站非常合適❗
不過 Wix 自訂彈性低，而且網頁版塊太多嘅話，佢嘅網頁編輯器載入速度會變慢，大大影響咗工作效率，好難隨心所欲架設你想要嘅網站。
3️⃣ 編程
如果你有一定程度嘅編程知識，或者有一定嘅 Budget 請 IT 外判團隊架設網站，呢個的確係最佳嘅選擇，幾乎不受任何限制，隨心所欲咁架設又精美又功能強大嘅網站！最重要嘅係擴展性非常大，架設複雜架構嘅網站唔需要好似 WordPress 同 Wix 咁依賴外掛應用，只需要簡單編程就可以轉駁去第三方服務，例如付款等，網頁載入速度亦因為唔洗增加太多外掛應用而做到最大程度上嘅優化，加上網頁安全性視乎編程，比起使用任何一個平台都更安全同更有保障。
不過，喺更新及維護上的確比較困難，成本亦較高，甚至你想重整網頁有機會需要重新寫過晒代碼，而且更新網站可能需要對編程有更深嘅認識先可以減少 bug 嘅出現，甚至需要持續支付一定嘅費用俾外判團隊進行更新維護。
今時今日，架設一個網站已經唔係難事，究竟要揀咩平台定係選擇編程，就要視乎自己嘅Budget同需求而定啦❗
