啱啱整好網站，準備好一連串網絡行銷策略諗住可以大展拳腳嘅時候，發現業續一直都冇咩進展，諗到頭都痕埋都唔知點優化好😔你有冇諗過網站可以點樣收集到有關使用者嘅行為、偏好？點樣去衡量網站嘅效能同埋點樣可以再優化網絡行銷策略？呢一切都係由一段小小嘅追蹤代碼幫你將網站資料數據化，等你可以由分析呢啲數據去優化你嘅網絡行銷策略🤩
🌟咩係追蹤代碼（Tracking Code）？
喺網站分析入面，追蹤代碼係一段 JavaScript 代碼，佢係透過收集使用者行為、衡量廣告效果或者電商嘅銷售活動等，將呢啲資料傳送去第三方追蹤工具嘅伺服器入面，而且每個網站嘅代碼都唔一樣㗎，佢係一定要安裝喺每一個你想追蹤嘅頁面上。
🌟點樣用追蹤代碼？
第三方嘅追蹤工具經常用嘅就一定係 Google Analytics、Facebook Pixel 同埋 UTM 代碼。另外，如果有經營電商嘅話，電子商務追蹤代碼（例如 Google Analytics 4）都係唔可以缺少嘅。
喺前面嘅段落都有講追蹤代碼係一段 JavaScript 代碼，而呢組 JavaScript 代碼都係獨一無二，因為咁樣先可以將收集到嘅數據傳送番去啱嘅帳號入面。而追蹤碼使用嘅方法都係大同小異，將第三方追蹤工具提供嘅 JavaScript 基本代碼載入去你嘅網頁，而呢個基本代碼隱藏住各種追蹤用戶行為會用到嘅代碼，跟住由第三方追蹤工具伺服器分析數據，最後數據會顯示喺報表頁面上。仲有一點要記住嘅就係，JavaScript 係會按照 HTML 嘅順序載入，所以正常嘅情況會將呢個代碼擺喺 <head>之間，越早讀取到追蹤代碼先可以避免收集嘅數據有漏動。當然更進階嘅話就涉及到好多要透過編碼去自定義你需要嘅事件追蹤代碼喇❗
🌟簡單話你知常用嘅第三方工具嘅作用🔎
1️⃣ Google Analytics
主要係分析訪客嘅行為同埋網站流量。更加進階同常用嘅功能就係事件追蹤（Event Tracking），佢可以將你想要嘅目標事件發生嘅時候，令瀏覽器透過代碼去收集你自定嘅追蹤資料，可以更加準確咁評估成效，優化你嘅行銷策略。
2️⃣ Facebook Pixel
主要係用嚟追蹤 Facebook 廣告成效、轉化次數同埋再行銷，即係除咗針對去特定網站嘅人之外，亦可以針對有擺商品喺購物車嘅人再做多次精準嘅投放廣告。而 Facebook Pixel 分咗兩部分，一部分係基礎代碼，載入去網站嘅所有頁面，追蹤用戶喺網站上嘅行為，另一部分就係事件代碼，載入去特定嘅頁面去追蹤喺網站發生嘅特定行為，而且都係可以自訂轉換追蹤㗎。
3️⃣ UTM（Urchin Tracking Module）
佢係 URL 嘅一部分，可以縮短網址之餘，仲係用嚟追蹤特定廣告或者營銷活動嘅表現。佢嘅用途都好廣泛，例如可以配合 Facebook Pixel、Google Analytics 等分析唔同途徑入去目標網站嘅流量；配合唔同嘅KOL、明星，用唔同嘅 UTM 連結了解邊一個人嘅營銷效果最強；分析唔同嘅線下實體廣告或傳單上面嘅 QRcode 成效等。
4️⃣電子商務追蹤代碼
如果你想更方便集中管理唔同嘅追蹤代碼就唔可以錯過使用 Google Tag Manager，佢就好似一個收納箱咁，可以放入唔同嘅代碼，例如 Google Analytics、Facebook Pixel、Google Adwords 等等，基本上唔洗有 IT 背景都可以管理唔同嘅代碼。當然啦，點都需要一啲嘅技術知識先可以用得更自如，亦需要花費大量嘅時間去測試同學習㗎！
以上介紹四種嘅工具其實都係可以相輔相成，只要可以優化到你嘅生意都要即刻嘗試同學習❗
