近幾年，大家不停聽到要用 VPN（虛擬私人網絡）嚟保護自己嘅網絡私隱、翻牆睇其他地區限定嘅 Netflix 等等，甚至乎喺網上經常見到 Sxxxshark、Nxxx VPN 嘅廣告，咁究竟 VPN 嘅原理係咩？點樣可以做到保護你嘅網絡資料？
VPN 係提供一個安全嘅通道，令你可以喺網上自由瀏覽嘅同時保護埋你嘅私隱。你可以想像一下，VPN 就好似一個酒店嘅夾萬咁，將你重要嘅財物💎💰鎖好，保護你嘅財物唔會比人偷到，只有知道密碼嘅人先可以開嚟拎嘢。所以當你用緊 VPN 嘅時候，佢就好似個夾萬咁，將你嘅網絡私隱加密及封閉，只有具授權嘅人先可以進入，令你嘅私隱得到最高級別嘅保護🔒。而且仲可以改變你嘅 IP 地址，突破地域限制💥，輕鬆瀏覽全球嘅網絡內容🤩
而家嚟簡單介紹吓 VPN 組成嘅兩大特點啦❗
1️⃣ 加密數據傳輸🔐 ：就好似你將自己嘅財物擺入夾萬咁，冇人知道裡面喺咩嚟。而 VPN 使用強大嘅加密技術，令你嘅網絡私隱變成一堆暗語，無辦法被第三方機構、廣告商及互聯網服務供應商監控及惡意解讀，從而保護好你嘅資料。
2️⃣ 改變 IP 地址🌍 ：你可以輕鬆偽裝你嘅 IP 地址，由身處香港變成身處美國，令你喺網絡上突破地理限制，瀏覽到限定地區嘅內容、電影或者劇集，而且亦令到任何想追蹤你嘅人被誤導，冇辦法知道你真正所在嘅位置。
VPN 供應商嘅選擇有好多，千祈唔好貪免費就去用一啲來歷不明嘅 VPN 供應商，你嘅資料分分鐘被人賣出你都未必信道，所以絕對絕對要揀信譽良好可靠嘅 VPN 供應商🦾你亦都可以選擇自行架設 VPN 服務器，不過就需要比較專業嘅知識同技術先可以做到㗎😬
