當提到黑客（Hacker）同駭客（Cracker）嘅時，大家都可能有啲混淆，以為全部都講緊非法嘅侵入者，做破壞、破解同盜取資料等嘅不法行為，但其實兩者係有差異㗎❗
🌟黑客（Hacker）代表緊咩？
佢哋大多數都有先進嘅 IT 技術技能、各種程式語言嘅專業知識，同埋對電腦框架同系統都有深刻嘅理解，客戶可以利用佢哋嘅知識，以侵入嘅方式去睇系統嘅漏洞。
不過黑客都分咗三個類型，而家一齊睇睇啦👇🏻
1️⃣白帽（道德）黑客：
坊間有唔少嘅顧問團隊利用佢哋嘅技能去幫唔同企業進行漏洞同滲透測試，盡可能確保企業嘅系統係安全嘅。而佢哋嘅行為係合法而且擁有合法嘅證書，例如 CEH 證書。
2️⃣ 黑帽黑客：
為咗錢財、好玩或者偷取同破壞數據，利用惡意工具同方法利用漏動去做啲不法行為，例如各種惡意軟件、零日漏洞，服務拒絕（DoS）攻擊同中間人（MITM）攻擊等。
3️⃣ 灰帽黑客：
佢哋同黑帽黑客一樣都係利用惡意工具同方法喺企業唔知情嘅情況下去攻擊系統，但佢哋嘅目標大多數都唔係為咗自身利益，而係源自於比較良好嘅意圖，例如好奇心、學習慾望或者社會正義感，就好似 2011年 Anonymous 癱瘓咗 40 個兒童色情網站，仲公開埋超過 1500 位經常幫襯呢啲網站嘅訪客名。不過即使佢哋意圖中立或者良好都好，都係犯法㗎。
🌟駭客（Cracker）又係咩呢？
佢直頭係喺法律範圍之外做一啲惡意行為，完全無視道德嘅考慮🥶佢哋主要目的係突破保護軟體許可證嘅安全措施，停用或者刪除複製保護機制同繞過加密演算法。等同於黑帽黑客一樣係為咗自身利益去做呢啲行為。
喺香港人眼中嘅黑客基本上就係代表駭客，但係黑客唔一定係黑，可以係合法公開嘅白帽黑客㗎。不過喺搵白帽黑客測試系統之前，記得要搵 Foundy 專業團隊架設一個高安全性系統先呀，工欲善其事，必先利其器😎
