你嘅公司除咗用好貴嘅傳統 Server，係咪仲用緊 GoogleDrive、OneDrive 等月費形式嘅雲端儲存空間？但係當公司嘅資料越嚟越多，檔案越嚟越大，開始擔心儲存空間唔夠用？而雲端儲存空間嘅費用越嚟越高，又擔心雲端供應商中斷服務或者有安全性漏洞嘅時候會冇咗檔案存取權😖針對呢一方面，智慧型儲存裝置 NAS 就啱晒你喇❗唔只可以建立比較安全嘅私人雲，掌控公司嘅資料、擴充儲存空間都好容易，仲可以做到團隊之間嘅協作🤩一齊睇吓咩係 NAS 啦❗
🌟咩係 NAS （Network Attached Storage）？
佢係一種私人嘅雲端儲存裝置，透過網絡連接嚟儲存資料，唔受時間同地點限制，淨係用瀏覽器或者應用程式已經可以輕鬆存取同管理資料。而且仲內建磁碟陣列（RAID）功能，額外為資料完整性提供保護。佢嘅費用比起傳統 Server 嚟講係唔算貴，可以話係而家嘅公司必用性價比高嘅儲存同管理資料嘅工具。
🌟NAS 嘅優點
1️⃣ 組建易又快：
佢係一種冇咩 IT 知識嘅人都可以勁快上手，基本上跟番廠商嘅指南就可以 set 好晒軟體設定，而且佢嘅應用程式介面好簡單，好輕鬆就可以上手，可以話係容易入門嘅儲存同備份嘅方案。
2️⃣ 安全性高：
佢有 RAID 嘅容錯功能，就算硬碟出事，佢都可以保障番資料嘅完整性。而且佢都支援 24 小時自動備份，盡量避免咗資料遺失嘅風險。另外，佢當然係有加密技術去保護資料，同時都可以防止冇經授權嘅人存取資料，而佢嘅系統仲包埋對主機同硬碟嘅監控，可以隨時睇到 RAID 嘅狀態同硬碟壽命等，比用家體驗到更高水準嘅資料保護同管理。
3️⃣ 資料同步快：
因為佢係一種特定嘅 Server，只係負責資料儲存同檔案共享。當完成咗佢嘅設定之後就可以好快咁將電腦嘅資料同步，而且大多數 NAS 都可以做到 24 小時唔斷電提供存取😎。
4️⃣ 存取自由：
佢就好似一個私人嘅雲端硬碟，比你可以隨時隨時都可以存取同共享資料。無論係用瀏覽器、TeamViewer 定係手機應用程式都可以遠端存取㗎❗唔洗再好似外置 Harddisk、USB 咁需要隨時擺喺身邊。
🌟NAS 嘅維護方法
1️⃣ 定期檢查硬碟：
始終硬碟都係一種消耗品嚟，為咗監控佢壽命去到盡頭未，一定要定期睇番佢嘅健康狀態報告，及早發現異常同更換新嘅硬碟，咁先可以更好咁保存到公司重要嘅資料。
2️⃣ 資料異地備份：
作為一間公司，點都要令到資料有多一層嘅保護💪🏻你可以選擇裝多一部 NAS，因為佢你可以設定自動備份去另一部 NAS 做異地備份，絕對係可以確保意外發生嘅時候都仲有多一層保障去保護重要資料。
3️⃣ 定期清理冇用嘅資料：
如果想硬碟嘅壽命長啲，除咗要確保佢有足夠嘅通風，避免過熱，你仲要定期清走冇用或者過期嘅備份檔案，釋放多啲儲存空間係可以提高番佢嘅效能。
4️⃣ 定期更新系統：
呢樣真係唔洗多講都要識❗定期更新系統可以令到安全性同埋性能等有所優化，預防勒索病毒嘅攻擊。
雖然 NAS 都算係性能高又穩定嘅硬碟，但使用率高就無可避免咁會有損耗，所以大家一定要有提高警覺，唔好因為佢嘅方便就完全唔理點維護，分分鐘咩資料都冇晒㗎！不過相對番又貴又佔地方嘅 Server，NAS 的確係一種性價比高同埋效率高嘅企業備份方案，而且佢亦都有家用版㗎！啱晒多資料、相同片嘅你❗
