網絡世界嘅電話簿.DNS 💬

更新:2023-12-22

除咗瞓覺,大家每日上網嘅時間分分鐘佔咗生活嘅六成,大部分時間都機不離身。但你又有冇諗過原來上網呢個行為嘅背後係好複雜🫨❓,當我哋輸入網址想瀏覽網站嘅時候,其實係經歷咗一個複雜嘅查詢過程🔎。呢個過程就係依賴 DNS(Domain Name System,域名系統)。DNS 嘅工作就好似手機電話簿一樣📱,將我哋熟悉嘅網域名稱(例如 www.example.com)轉換成電腦或手機能夠理解嘅 IP 地址(例如 192.0.2.1)。如果冇咗 DNS,我哋就好似冇咗聯絡人嘅電話號碼一樣,電腦或者手機就唔知道去邊度搵到我哋想訪問嘅網站。

 

DNS 究竟係點樣運作?👇🏻

 

1️⃣ 輸入網域名稱:當你喺瀏覽器輸入一個網域名稱後,你嘅設備會向一個 DNS 伺服器提出請求查詢。

2️⃣ DNS 查詢:DNS 伺服器會查詢其數據庫,如果查詢唔到就會向其他 DNS 伺服器進行查詢,直至搵到對應嘅 IP 地址。

3️⃣ 得到回應:當 DNS 伺服器搵到嗰個網域名稱對應嘅 IP 地址,佢就會將呢個信息傳送番去你嘅設備。

4️⃣ 連接網站:你嘅設備利用獲得嘅 IP 地址同目標伺服器建立連接,之後網站嘅內容就會加載同顯示喺你嘅瀏覽器上。

 

如果冇咗 DNS,我哋就要記住所有網站嘅 IP 地址,正如大家都冇咩可能記得晒所有親朋戚友嘅電話號碼一樣,咁樣對於日常使用互聯網嚟講好唔方便。所以,DNS 同成個互聯網嘅運作係密不可分嘅關係🔩

 

對於企業嚟講,DNS 就更加重要,無論係網站定電子郵件都會用到,要諗一個簡短易記嘅網域名稱先可以加深客人對你嘅印象,就好似 Apple.com、Google.com 或 [email protected] 咁,用番品牌嘅名稱去做網域名,簡單又易記❗

 

DNS 都有可擴展性同容錯性,即使某啲伺服器發生故障,都可以確保互聯網維持正常運作,令到互聯網變得更加 user-friendly,輕鬆瀏覽唔同嘅網站及資源,確保終端使用者獲得快速又有回應嘅體驗😍

最新動態
中小企血淚史 你中過幾多次伏
📱 #網站優化・Landing Page 設計必備 5️⃣ 個元素 ✨
演算法智能解密・AI 背後嘅運作
小編必備・5 個 Prompt 極速寫出滿意文案
中小企數據分析工具全攻略・搶佔市場先機
更多相關
產品及服務

中小企血淚史 你中過幾多次伏

今次想同你分享吓我哋 Foundy 客人唔少嘅慘痛經驗,希望下一個你唔洗中伏🕸️同埋話你知已經中咗伏可以點解決。  

科技洞察

演算法智能解密・AI 背後嘅運作

#演算法 就聽得多,但佢其實係咩呢?簡單嚟講佢就係解決問題嘅步驟指南,而喺人工智能入面,算法更加係核心,令機器可以學習同預測,甚至好似人類咁思考。基本上,平時睇到嘅推薦內容、廣告等都係演算法喺度運作㗎。   🤖