AI 嘅興起，相信唔少老闆sss 都有關注，甚至會搵一啲數字人幫手，用 AI 虛擬人做代言、用 AI 整圖取代搵 model 影產品相，又或者用 AI 去諗個行銷方向，唔只快靚正，成本仲冇咁高添🤩 不過你有冇諗過 AI 嘅決策會影響埋金融服務到醫療保健嘅唔同領域❓其實 AI 嘅決策係點樣形成❓又點樣確保佢哋係公正同正確呢❓
🌟咩係可解釋 AI❓
佢係具備資訊公開同透明嘅特色，令普通人都可以明白 AI 係點樣做出特定決策，即係會話比你知做緊咩決定、將要採取咩行動，仲會解釋埋佢點樣根據現有嘅資料去做最終嘅演算結果。佢可以一邊執行之前嘅行動，一邊保持高水準嘅學習表現。呢樣唔只可以建立到同用戶之間嘅信任，仲確保到 AI 系統嘅責任同審查性。
🌟AI 決策帶嚟嘅倫理問題
雖然可解釋 AI 可以提高大家對決策嘅信任，但係如果導入嘅資料本身有瑕疵，呢種信任有機會變成誤信。例如喺 IT 行業一向都係男多女少，用 AI 去挑選就容易出現揀男多過女嘅現象，因為資料上都係男性為主，咁好易就變咗性別歧視喇，咁樣個結果其實就實現唔到公平性。
所以設計者必須要設置明確嘅倫理準則去糾正同指導 AI 嘅行為，尤其係處理敏感數據嘅時候。而且仲可以防止偏見同歧視嘅發生，確保到決策嘅公正性。最重要嘅係警剔不法分子或者罪犯故意開發同部署 AI 研究用喺惡意嘅事上面❗
AI 嘅技術發展真係日新月異， 未來 AI 系統嘅倫理規範同透明度都係有機會大大咁改善，喺日常生活同工作上應用只會越嚟越廣泛，所以係好需要喺以下多方嘅合作同努力❗
1️⃣ 技術開發者：
喺研發嘅時候要注意番有冇將自身嘅偏見同謬誤導入咗去 AI 系統到，咁就好需要團隊一齊努力，多方面去測試佢有冇存在偏見同歧視嘅問題，而唔係一整好就即刻推出市面。另外就係唔好誇大佢嘅功能，真實咁呈現比大眾。
2️⃣ 政策：
呢一樣係最重要，尤其係防止不法分子將 AI 用喺唔好嘅地方，例如用 Deepfake 技術喺網絡上散播失實嘅事😵💫 不過考慮法律係有強制性，喺制定嘅時候真係要好謹慎，如果唔係反而會阻礙到創新發展嘅條例。而且法例係真係會追唔上新興技術帶嚟嘅問題，呢個時候就好需要做好教育公眾，令佢哋提升對 AI至風險嘅敏稅度。
3️⃣公眾：
公眾最重要嘅係培養自己對 AI 倫理問題同對風險嘅敏銳度，唔可以 100% 相信 AI 系統，要保持住自己嘅意見，咁先係推進 AI 有更好嘅發展。同埋 AI 只係一個輔助嘅角色，如果你唔跟住大勢去學習，反而會令自己比人淘汰。唔識 AI 會被取代，但識 AI 嘅你反而係最有競爭力😎
大家一齊期待 AI 科技嘅進步，更方便嘅生活帶嚟更多嘅機遇，千祈唔好錯過機會呀❗
