探索網頁成功嘅金手指☝️不得不知道嘅 2023 年網頁設計色彩趨勢
喺現今瞬息萬變嘅網絡世界入面，似乎有啲網頁總係特別受歡迎🔥，無論色彩定版面設計都係走在潮流嘅尖端。究竟點先可以做到❓顏色其實係其中一種工具，幫你喺網頁洪流之中脫穎而出，帶比訪問者深刻嘅印象，甚至引起獨特嘅共鳴💞。當你揀啱顏色組合就可以大大增加吸引大量訪問者嘅機會㗎喇！
煩緊整網頁嘅你一齊睇吓今年嘅趨勢攞吓靈感啦🤩！
- 留白◻️
簡約主義嘅網頁設計絕對係長青不老，以留白嘅空間建立視覺嘅層次感，平衡網頁嘅設計、內容及唔同元素，令訪問者更容易瀏覽網站內容結構，而且視覺亦可以放鬆💆🏻，冇咁易有視覺疲勞。
- 搶眼顏色配搭🔴🔵🟡
誇張搶眼色調配搭可以大大增加網頁嘅獨特性，例如紫色、黃色、藍色，令訪問者停留喺網頁嘅時間拉長，大大增加訪問者購買產品或服務嘅機會💰。
- 柔和、溫暖色調🎨
無論係 Pantone 定係預測權威嘅流行趨勢公司 WGSN 都因為減低疫情解封後嘅影響，吹起一股色彩療癒嘅風氣，以柔和、高飽和度嘅溫暖色彩嚟散發正能量💓。呢種溫柔又有啲活力嘅元素又可唔可以成為你設計網頁嘅靈感呢❓
- 經典黑白灰◾◽
黑白灰絕對係經典嘅配搭，但係你有冇諗過加一啲代表到你品牌嘅其他顏色呢？加入其他顏色或者元素嘅點綴可以增加網頁嘅獨特性，仲可以令到訪問者更加深刻記得嗰個微小嘅顏色係代表你嘅品牌印象。
顏色絕對會影響消費者對你品牌嘅形象、購買意慾嘅高低。當你了解到受眾嘅偏好時，就可以好好考慮一下點樣有效咁運用色彩配搭加強你想帶俾受眾嘅訊息💬及形象，從而建立一個長久正面嘅關係。
