而家大多數人都未必日日都開電腦用，甚至冇電腦。每日用手機及平板上網已經變成常態，但普通嘅網站喺手機及平板上睇非常之唔方便，唔係字太細，就係按鈕細到用手指㩒唔到，令人根本唔想睇。失去便利性即係失去競爭力😣，所以企業嘅網站需要按現今大多數人嘅需求而作出改變，究竟點樣可以喺競爭中跑出🤼♂️？咁就要留意吓響應式網站設計喇！
🔶咩係響應式網站設計（Responsive Website Design）？
響應式網站設計（Responsive Website Design）係透過使用 CSS3，因應唔同嘅設備嘅寬度下自動產生唔同嘅排版變化，為使用者提供最佳嘅瀏覽體驗👀，例如 Apple 嘅官方網站正正就係一個極佳例子。
不得不知道嘅 5️⃣ 大好處
1️⃣ 方便更新及維護⚙️：與自適應網頁設計（Adaptive Web Design）唔同，唔需要分開更新維護，只需要更新一次就完成同步。
2️⃣ SEO 推廣友善：由於響應式網站設計係使用同一個網址，大大避免咗重複嘅內容及減少重新導向，而且喺演算法上會有更好嘅效果，例如在地搜尋排名一般會比較高分。
3️⃣ 降低網站開發成本：傳統網站開發會利用自適應網頁設計，分別開發電腦版及手機版網站，而響應式網站只需要開發一次就可以，有效減低開發成本。
4️⃣ 支援多種瀏覽器：響應式網站基本上可以喺各種常用瀏覽器，例如 Chrome、Safari 或 Microsoft Edge 上正常運作，減少瀏覽器相容性問題。
5️⃣ 方便數據分折📈：響應式網站只有一個頁面，即係使用者由電腦分享去朋友嘅手機，大數據都儲存喺同一個地方，方便企業喺每個推廣計劃前做一啲嘅數據分析。
⛔有咩限制？
1️⃣ 載入速度問題：無論喺手機定電腦上載入都係用同一份 HTML 及 CSS 檔案，需要下載速度都係一樣，而且手機可能因應網絡問題，網站嘅反應速度有機會比較慢，不過一般響應式網站都可以進一步做一啲速度優化，例如圖片壓縮後先上傳。
2️⃣ 不適合複雜介面及功能：限制於手機嘅尺寸及大多只有 Touch 嘅功能，手機版面網頁唔可以做得太複雜或者加太多動態效果，會減慢速度之餘，瀏覽體驗會變差。只要企業喺手機版面上作出一啲取捨依然可以提升企業形象㗎。
響應式網站設計最主要係喺使用者版面嘅規劃上落足功夫，實用性及方便程度提高，自然令使用者離唔開你網站提供嘅服務啦❗
