foundy-logo-bw

>>

企業必備・網頁應用定手機 App?💭

更新:2023-11-11

喺呢個數碼年代,人人手機不離身📱,隨時隨地都可以上網,企業點少得進行 App 開發!除咗建立企業形象,提升知名度外,亦係一種同客人互動嘅工具,增加銷售及收入💰。咁究竟開發網頁應用定係手機 App 比較好?有 budget 當然可以兩樣都整,但喺有限度資源下,咁你就要諗吓客人嘅需要、開發嘅目的、預算,以及可唔可以支援到長期維護及更新。而家一齊睇吓點揀係最好啦❗

 

🔎咩係網頁應用?

網頁應用係透過瀏覽器進行操作嘅應用程式,以 HTML5 語言編寫,唔需要下載或者安裝就可以使用,簡單嚟講就係有啲複雜互動功能嘅 website。

 

🔎網頁應用有咩優勢?

– 成本低,可以話係豐儉由人 👉🏻 除咗自行開發,搵專業團隊開發之外,坊間都有好多網頁應用開發平台選擇,例如Google App Maker、Wix等,唔需要程式碼或複雜嘅支援環境,就可以快速起貨。

– 維護簡單

– 兼容性大,唔受電子設備嘅作業系統限制

– 更新唔需要用家手動升級,可以同時跨多個平臺及終端

– 容易利用 SEO 進行推廣

 

🔎網頁應用有咩限制?

– 效能受網絡速度及瀏覽器限制,設計上未必完全達到企業要求

– 面對較高嘅安全風險,例如 Brute force attack

– 使用坊間網頁應用平台開發,功能亦會受限於平台

– 無法使用手機嘅底層功能,例如拍攝功能、打開相簿等

– 拓展性受限,無法獲取系統級嘅推送通知、提醒,令客人忠誠度降低

 

🔎咩係 手機 App?

手機 App 就係基於手機作業系統使用原生程式編寫而開發嘅第三方應用程式,需要用家自行下載先可以使用。

 

🔎手機 App 有咩優勢?

– 拓展性強,設計彈性高,容易建立企業嘅特色及形象

– 提供完整嘅服務體驗,個性化嘅推廣訊息通知,企業與用家互動性大,客人忠誠度一般比較高

– 擁有有價值嘅數據分析,推廣告更有效率

 

🔎手機 App 有咩限制?

– 需要更多嘅 Budget 去針對唔同系統進行開發

– 投入額外資源同時間去維護唔同平台上嘅 App

– 更新慢,每次更新都需要平台審批

– 競爭激烈,用家對 App 嘅要求及期望越嚟越高,企業為確保用家有優質體驗,亦要投入更多時間進行用戶研究、設計及測試

 

其實網頁應用及手機 App 都各有優勢,最重要緊係受到用家嘅喜愛及肯定先會下載或者瀏覽,記得諗清楚先去做喇🙌🏻

最新動態
風靡全球嘅對話式 AI 👉🏻 Poe
🧑🏻‍💻軟體開發架構點揀❓單體架構 🆚 微服務
💭 行銷必識.解構搜索引擎原理 🔎
更多相關
IT 資訊

💭 行銷必識.解構搜索引擎原理 🔎

個個用搜索引擎(Search Engines)🧑🏻‍💻就用得多喇,你有冇好奇過佢究竟係點運作嘅?點解一 search 就即刻有晒結果?佢究竟點樣通過我哋打嘅關鍵詞去比你哋睇到相關嘅結果?老闆sss…