foundy-logo-bw

>>

網站流量大解密🤫👉🏻UTM(Urchin Tracking Module)

更新:2024-01-13

上一個帖文話比你知追蹤代碼係咩,有邊幾種常用嘅工具,今次就同大家解構 UTM(Urchin Tracking Module)啦!無論你係啱啱架設好網站,定係經常落唔同廣告,都需要分析流量來源嚟睇吓成效,而 UTM 就係一個非常好用又必備嘅工具❗而且更重要嘅係可以令你喺廣告投入嘅錢唔會白白咁浪費曬😍快啲睇吓佢點樣喺網絡行銷策略方面幫到你啦❗

 

🌟UTM(Urchin Tracking Module)係點用?💭

佢係將設定好嘅參數加入特定網址嘅後面,只要有使用者點擊呢個連結,就可以透過 Google Analytics 追蹤到呢個埋設咗 UTM 網址嘅使用者嘅數量同埋佢哋喺網站入面嘅行為。最經常用到嘅一定係評估各種線上線下行銷活動嘅成效。好似都唔係好明白?舉幾個例子解釋比你知:👇🏻

🔸想同時用Facebook、Instagram 同埋 Google 廣告推廣網站或者網頁連結,就可以利用 UTM 連結去判斷使用者係由邊一個渠道入網站

🔸透過喺實體廣告燈箱、宣傳單張、港鐵廣告等印上 QRcode,透過 UTM 連結追蹤邊一樣最有成效

🔸同唔同嘅 KOL、明星等做線上合作,透過唔同嘅 UTM 連結去評估邊一位嘅粉絲更加傾向購買你嘅產品或者服務

 

所以,只要透過埋好嘅 UTM 連結,你就可以分析到流量嘅來源、使用者嘅行為、進行唔同類型嘅廣告成效分析、掌握好廣告費用分配比例等等,幫你慳番唔少預算㗎❗😍如果你想整 UTM 網址嘅話,建議你可以用 Google 官方提供嘅免費工具👉🏻Google Analytics 網址產生器,佢嘅操作非常簡單,只要喺 7 個欄位入面填番相關參數嘅資料,就會自動產生埋設咗 UTM 嘅網址,直頭新手都識用呀😎

 

🌟簡單介紹番 UTM 唔同參數嘅組成

1️⃣ 網頁網址(Website URL)

準備好一個你要埋設 UTM 嘅完整網址

 

2️⃣ Campaign Source(utm_source)

佢代表你網站嘅流量來源,例如 Facebook、Instagram、搜索引擎等

 

3️⃣ Campaign Medium(utm_medium)

佢代表你用緊咩嘢行銷方式,例如 Email、Facebook 帖文、Adwords 廣告等

 

4️⃣Campaign Name(utm_campaign)

佢代表你嘅廣告活動名稱,例如可以係唔同 KOL嘅代號用嚟區分成效

 

5️⃣Campaign Term(utm_term)

佢係用嚟分辨 Google 廣告嘅關鍵字眼

 

6️⃣ Campaign Content(utm_content)

佢多數用喺 A/B Test 嘅指定內容廣告,例如同一張圖上面兩個唔同嘅按鍵、同篇廣告文案但用咗唔同嘅圖片等,但都係連接去同一個頁面

 

不過要記得嘅係要盡量以英文填寫,大小階保持一致、盡量唔好用除咗「+」同埋「_」以外嘅特殊符號就可以避免發生出錯嘅機會🤩 如果覺得成個網址好長驚比人誤認咗係啲呃人呃網站就可以用線上嘅縮短網址工具令網址變短。UTM 用法非常簡單,只要小心填好以上嘅參數就可以㗎喇❗快啲開始試用!令你嘅行銷策略更上一層樓啦⬆️

最新動態
風靡全球嘅對話式 AI 👉🏻 Poe
🧑🏻‍💻軟體開發架構點揀❓單體架構 🆚 微服務
💭 行銷必識.解構搜索引擎原理 🔎
更多相關
IT 資訊

💭 行銷必識.解構搜索引擎原理 🔎

個個用搜索引擎(Search Engines)🧑🏻‍💻就用得多喇,你有冇好奇過佢究竟係點運作嘅?點解一 search 就即刻有晒結果?佢究竟點樣通過我哋打嘅關鍵詞去比你哋睇到相關嘅結果?老闆sss…