疫情之後，大家嘅消費或者工作模式似乎都有啲轉變🧐，傾向網上購物，或者 Work from home 嘅混合工作模式。好多公司都開始諗啲長遠嘅方法，究竟點樣可以確保員工嘅生產力？點樣確保到公司資料嘅安全？IT上可以整咩系統去支援 Work from home 呢？再者，新增一個網上購物平台，物流貨物管理系統要點樣配合呢？所有嘅方法都離唔開一個「錢」字🤑，而家一文話你知點樣可以輕鬆申請科技券嚟減低成本升級轉型🔥，最高仲可以拎到 60 萬㗎！
🔹咩係科技券？
科技券係由政府創新科技署創立，主要幫助本地中小企業透過科技方案嚟提高生產力及競爭力。每間企業最多獲批六個項目，總共最多可以拎 60 萬。大家要留意番每個項目嘅資助比例係 75％，項目要喺 1 年內完成㗎❗
🔹咩公司符合資格呢？
只要係喺香港成立或者登記嘅公司，有實質嘅業務運作，並且非香港上市及非政府資助嘅機構及旗下資助嘅附屬公司就符合資格申請喇！
🔸科技券申請流程💻
科技券全年都接受申請，申請流程都非常簡單，只要透過科技券計劃管理系統提交申請並附上相關嘅文件就得㗎喇！創新科技署收到申請後，會先初步審批，有需要時亦會要求你補充相關文件及作出解釋，冇問題就會交比委員會審核㗎喇。申請成功及簽咗資助協議之後，可以要求發放首期撥款，上限係資助額嘅 25％💰。記住喇❗項目完成咗嘅兩個月內要透過系統遞交番所需報告及文件先可以拎晒資助額㗎。
相信一定會有人再問，究竟需唔需要搵坊間嘅顧問服務？坊間嘅顧問服務係需要比幾千至幾萬嘅費用，幫你提高申請嘅成功率。唔搵都冇問題㗎，反而自行申請最重要嘅係搵到一間好嘅 IT 服務供應商❗Foundy 除咗為你哋提供優質嘅 IT 支援，無論係網頁設計定創立系統平台等都可以為你做到，更重要嘅係 Foundy 亦會同你協商點樣有效咁準備好申請嘅所需文件💻你只需要撳個掣 submit 就可以㗎喇🤩大大咁幫你提高申請嘅成功率❗
