軟體開發話難唔難，話易又未必真係咁容易。尤其對新接觸嘅企業嚟講更加係一頭霧水🤦🏻，網上講嘅流程五花八門，又未必適合你。而一個系統化嘅工具或軟體絕對係幫助企業走向高效管理嘅營運關鍵嚟㗎，一定要切合需求去開發及設定功能先係最好❗而家一文話你知軟體開發 4 大基礎元素👇🏻
1️⃣ 前端（Frontend）：前端嘅目的就係一個美觀嘅介面📱比用戶睇到及使用你所提供嘅功能，就好似餐廳嘅 menu 咁一目了然，具體提供唔同嘅食物比客人。各大公司前端所用嘅技術都大有不同，但現時最常係用 HTML 與 CSS 及 JavaScript 嘅組合係最好最靈活，創建包含文字、圖片及影片嘅獨特介面去展示企業形象，吸引用戶留意及使用。
2️⃣ API：API 就好似一道橋樑幫助開發者節省精力，並迅速達到目的✅。就好似客人好肚餓就會向餐廳侍應 order 餐點，侍應就會將客人所點嘅餐點告知廚房，廚師煮好餐點再經由侍應比你。呢個流程就非常簡單咁表達到 API 嘅概念，侍應就係代表緊 API，order 咗就代表收到你嘅需求，而將餐點由廚房取出提供比你，就代表你得到想要嘅資料或服務喇！一個好嘅軟體一定會有供內部使用嘅 API 嚟組織你嘅程式碼，喺使用嘅過程你未必需要了解其運作嘅邏輯或演算法，你只需要知道嘅係佢會將你想知嘅結果帶比你就得㗎喇。
3️⃣ 後端（Backend）：後端嘅目的就係喺遠端嘅伺服器運算程式，應 API 傳送嘅指令進行複雜嘅運算，將結果傳送番去前端。就好似餐廳嘅廚師接到侍應傳嚟嘅 order 然後經過煎炒炆煮焗咁煮好餐點，再經由番侍應去比客人享用。基本上後端係軟體開發最重要嘅基石，後端架設得唔好，前端介面幾靚都冇用🥶
4️⃣ 資料庫：資料庫相信係最簡單易明，就係用嚟儲存及檢索軟體嘅資料，就好似餐廳嘅雪櫃咁，儲存好 menu 上所需嘅食材，方便廚師一收到 order 就喺雪櫃拎所需食材嚟煮。而資料庫系統要選擇邊一種最好，如 MySQL、Oracle Database等？咁就要睇番你嘅 budget 及要求去規劃設計，基本上冇話用邊個一定係最好。
以上軟體開發 4 大元素對於企業嚟講絕對係唔可以唔知道❗至於點樣去開發一個靚嘅介面，運算又要夠快嘅軟體就可以嚟搵 Foundy 專業團隊幫你喇！根據你嘅需要，有機會有更複雜嘅框架設定，而我哋豐富嘅經驗絕對可以開發到令你滿意嘅軟體🦾
