iPhone15 系列📱終於都推出，果粉又可以準備換新機啦！💸💸發布會宣布新產品推出嘅同時，亦公布新一輪系統更新嘅時間表，正式版 iOS 17 已經喺9月19號可以更新喇，想體驗更多新功能就要快啲更新啦🤩！今次會為大家講吓未來 iOS 系統入面，可能會新加入嘅功能，就係 Apple 將會開放第三方應用商店安裝 APP。
相信 Apple 用家都知道，為咗安全同私隱問題， iOS 系統唔似 Android 支援第三方應用商店，下載應用只有一個平台就係 App Store。不過因應歐盟嘅數位市場法， Apple 需要喺 2024 年之前達成規定，唔係嘅話歐盟會收 Apple 全球營收 20% 作為罰款。所以 Apple 會喺未來系統中開放用側載 (side loading) 嘅方式安裝App Store以外，第三方應用商店所提供嘅 App。🤫有傳聞話會喺 iOS 17 內推出，不過暫時未有確實嘅時間表。
🤔Android 同 iOS 嘅側載 (side loading) 有咩分別？
喺 Android 手機上側載 APP 有唔同嘅方法，下載第三方應用商店、從第三方網站下載應用程式 APK 文件，或者直接透過網絡下載 APK 文件並安裝喺手機上。而喺 iOS 系統中，側載將唔俾直接透過安裝文件嘅形式嚟安裝 APP🙅🏻，只可以喺第三方應用商店度下載同安裝 APP。
🤔*安裝第三方 APP 嘅方法？
雖然 Apple 官方未有開放側載嘅時間表，不過其實大家都可以搶先體驗得到呢個功能，就係透過 《AltStore》啦🤩！《AltStore》係一個開源嘅應用程式商店，可以喺 iOS 同 iPadOS 設備上安裝未經蘋果審核嘅第三方應用程式，例如去廣告嘅 Youtube《uYou+》、跑 Windows 虛擬機嘅《UTM》、遊戲模擬器嘅《PPSSPP》、熊貓閱讀器嘅《EhPanda》等等。安裝《AltStore》唔需要越獄，而家支援 iOS 12 以上嘅所有 iPhone 同 iPad 型號👍🏻。一部裝置最多可以安裝 3 個《AltStore》嘅應用程式。不過由於係免費帳戶嘅簽名，簽名上限係 10 個 APP，每 7日要連接到電腦重新簽名安裝。
對於開發者嚟講，會有更大自由度，同埋可以接觸到更多用家，不過喺安全風險上就要多加留意。我哋 Foundy 唔止有網站建設嘅服務，仲有🔐安全嘅應用程式開發，同系統開發服務，輕鬆幫你嘅生意走上數碼化轉型😉！
*以上介紹嘅安裝軟件方法唔係官方建議，使用時請自己衡量安全同私隱風險
