喺呢個數碼年代，開發一個手機 App 幾乎係一件平常事嚟增加企業嘅競爭力。企業花費無數心血，千辛萬苦咁開發出一個 App 緊係希望快速上架比廣大嘅客戶群下載啦❗而手機 App 下載途徑主要係 iOS 同 Andriod 平台，而家講啲要點比你哋知啦！
1️⃣註冊帳戶
Apple 提供三種開發者賬戶：個人、公司、企業，年費 99 美金。App 嘅目標主要係為顧客提供嘅話，多數都會註冊公司開發者賬戶。大家記得要提早 7 至 14 個工作天申請鄧白氏 (D-U-N-S)，初審通過就會收到一封嚟自鄧白氏公司嘅 email 📩，只需要及時回覆並提供所需資料就可以㗎喇。成功申請之後仲要等 7-14 天先可以同步到 Apple，到時就可以申請公司開發者賬戶。
Andriod 賬戶註冊非常簡單，剩係提供一種開發者控制台，並只需支付一次性費用 25 美金就可以㗎喇！
2️⃣手機 App 分潤
不得不提嘅係兩個平台都會喺每一筆嘅 App 內交易中抽取 30％ 嘅手續費，即係代表企業分潤約 70％ 的銷售收入💰。
3️⃣上架審批時間
喺 App store 新 App 上架定係更新版本審批時間官方都係話交齊所有資料冇任何問題嘅話喺 48 小時內就有結果，但都提一提大家⚠️，如果撞正一啲假期，審批時間絕對會延長到 3 至 7 個工作天都唔定㗎，所以時間上大家都係預鬆啲比較好喇。
至於 Play store 嘅審批比 App store 較為寬鬆，喺工作天內最快 2 至 4 小時就有結果，不過如果係遊戲類型嘅 App 審批時間又會長啲嘅，有機會需要 2 至 7 個工作天。
4️⃣推廣方式
除咗線下推廣、eDM 或透過社交媒體推廣新 App，你仲可以透過 App 下載商店進行推廣㗎。因為基本上 7 成嘅用戶都係靠搜尋🔍嚟搵自己想要嘅 App，除咗一啲自然因素影響搜尋結果，例如 App 嘅標題、分類或用戶評分影響外，仲可以透過付費搜尋廣告增加下載量及曝光率。
▶️ Apple Search Ads：使用方法都好簡單，只需要利用關鍵字定位、興趣定位及廣告創意，將廣告展示比潛在用戶，引導佢哋去下載。而且只有當用戶點擊廣告並下載時，你先需要支付費用。
▶️ Google 應用程式廣告系列：你可以利用關鍵字、興趣、行為或多媒體創意等多種方式，令你嘅廣告出現喺特定嘅搜尋結果、應用程式頁面或其他相關位置上，例如YouTube。
上架及推廣嘅要點大家都知道，但如果你想搵一間好嘅公司幫手設計及開發一個好嘅 App，不妨考慮 Foundy 啦🔥我哋專業嘅團隊無論上至程式開發，下至上架部署都可以一條龍咁幫到你🦾，唔洗再左搵右搵唔同嘅坊間資料，節省時間成本，加快腳步增加企業嘅競爭力！
