foundy-logo-bw

>>

⚠️⚠️小心黑客入侵!5 大網絡安全💻 技巧你要知!

更新:2023-10-04

早排數碼港同消委會都相繼因被黑客入侵,而導致大量涉及個人資料外洩。咁大型嘅機構都出現呢啲嘅危機,究竟我哋中小企,又或者係初創公司,可以點樣保障網絡安全,守護公司同客戶嘅資料呢?現行又有邊幾種網絡攻擊?以下同大家一一講解。

 

首先講吓而家嘅網絡攻擊方法有好多種,以下係其中幾個常見嘅攻擊類型:

 

⚠️網絡釣魚攻擊 ( Phishing attacks ):通過假冒合法機構(例如銀行或者公司)發送欺騙性嘅電郵或者信息,引誘用戶提供個人資料、登錄資訊或進行金融交易💸。如要避免俾網絡釣魚攻擊,大家喺收到疑電郵同短訊時,就要格外留神,唔好打開內文提供嘅不明網址。

 

⚠️惡意程式碼 ( Malware ):包括病毒、木馬同勒索軟件等,呢啲會透過安裝未經授權嘅軟件時進入系統,然後會用破壞系統、收集敏感資料📁,同勒索贖金💸嘅方法令你有所損失。

 

⚠️分佈式拒絕服務( DDoS )攻擊:透過大量嘅請求淹沒目標伺服器,令佢無法正常保障網絡安全同守護公司嘅重要資料📁,對於中小企同初創公司嚟講尤其嚴重。雖然大型機構都有機會遭受黑客攻擊,但中小企同新創公司通常嘅資源同專業知識有限,難以應對呢啲威脅。

 

⚠️中間人攻擊 ( Man in the Middle Attack )亦可叫做竊聽攻擊:黑客會將自己隱藏喺用家同網站之間,當用家使用網絡個時偷取你嘅資料📁。呢種攻擊主要係透過偽裝 Wi-Fi 熱點,同安裝惡意軟體,所以喺街外就要小心使用公眾Wi-Fi熱點。

 

⚠️憑證填充 ( Credential stuffing ):係指黑客企圖透過入侵唔同公司嘅電腦,竊取用戶嘅帳戶密碼,再用呢啲非法取得嘅資料去嘗試登入其他帳戶。如果用戶喺唔同網站上都用同一組帳戶同密碼,只要有一間公司嘅客戶資料洩漏,就好容易被駭客竊取其他資料📁。為咗防止呢種憑證填充嘅攻擊,最好都係避免用同一組帳戶同密碼,同埋定時修改帳戶密碼,以減低因資料洩漏而帶嚟嘅風險。

 

以下係幾個保障網絡安全嘅重要措施:

 

1.建立強而有力嘅防火牆 🛡️同安全策略:確保網絡同系統有合適嘅防火牆,限制未經授權嘅訪問同埋監控內部同外部嘅流量。同時,制定明確嘅安全策略,包括密碼政策、使用權限管理同網絡使用守則。

 

2.定期更新同升級軟件:保持操作系統、應用程式同防毒軟件等嘅最新版本,即時安裝安全更新同補丁。呢樣可以解決已知嘅漏洞,減少遭受已知攻擊嘅風險。

 

3.實施強大嘅身份驗證機制:使用多重身份驗證 🔐(例如密碼加上一次性驗證碼)嚟增強帳戶嘅安全性。同時,限制員工嘅訪問權限,只允許佢哋訪問必要嘅系統同數據。

 

4.定期備份數據:定時備份公司重要嘅數據,並將佢哋存儲喺安全嘅地方🔐。咁樣即使遭受攻擊或數據損壞,都可以輕鬆恢復同繼續營運。

 

5.教育員工有關網絡安全:進行培訓同教育,教導員工有關網絡安全 🔐嘅最佳做法,包括點樣識別同防範釣魚郵件、弱密碼嘅風險同安全瀏覽網絡🛡️嘅方法。

總結以上俾各位中小企同初創公司嘅網絡安全建議,如果有需要嘅話都可以搵我哋幫手,我哋都有 #顧問服務 幫你評估你公司系統嘅保安風險 🔐,幫你做好系統管理同埋教育員工點樣防範網絡攻擊🛡️🛡️。

最新動態
風靡全球嘅對話式 AI 👉🏻 Poe
🧑🏻‍💻軟體開發架構點揀❓單體架構 🆚 微服務
💭 行銷必識.解構搜索引擎原理 🔎
更多相關
IT 資訊

💭 行銷必識.解構搜索引擎原理 🔎

個個用搜索引擎(Search Engines)🧑🏻‍💻就用得多喇,你有冇好奇過佢究竟係點運作嘅?點解一 search 就即刻有晒結果?佢究竟點樣通過我哋打嘅關鍵詞去比你哋睇到相關嘅結果?老闆sss…