相信大家都聽過 SEO，全名為「Search Engine Optimization 搜尋引擎優化」，係一種免費且長期嘅行銷策略，令 Google 迅速了解你嘅網站，提高搜尋引擎結果頁嘅排名，幫你搵到更多潛在嘅客人。只要網站瀏覽流量高就唔怕冇生意啦🤩！
然而，SEO 係一種長期嘅遊戲，需要企業不斷與時並進，不斷更新網站令 Google 演算法定義你嘅網站為優質且對使用者有幫助先能夠增加網站流量❗以下 6 大因素絕對可以令 SEO 效能 🆙🆙🆙
1️⃣ 優化關鍵字：熱門關鍵字唔係用得多就可以令網站排名提高，最重要嘅係網頁內容與關鍵字嘅關聯性，內容又係咪符合使用者嘅搜尋目的等。大多數人遇到問題都係希望極速喺搜尋引擎搵到答案，所以喺網頁內容前 100 至 150 字中加入目標關鍵字，其餘部分則使用相關字詞就可以有效增加關聯性。
2️⃣ 優質標題及內容：標題嘅重要性相信大家都明白，究竟吸唔吸引到人點擊入去睇就係靠標題喇❗標題絕對要準確描述到網頁內容，關鍵字亦可以放喺標題嘅前段，字數盡量控制喺 25 至 30 個中文字左右；加上簡潔清晰且有關聯嘅內容則可以增加使用者停留喺網站時間。另外搜尋引擎嘅排名會就內容係咪最新而有所變動，例如適當咁利用當下年份加入標題、重複性低嘅內容等絕對有助 SEO 網站排名提升㗎❗
3️⃣ 反向連結（Backlink）優化：反向連結對 SEO 排名具有極大嘅影響力，但並唔係越多越好，而係要有優質，例如係高權威性網站、使用相同語言等，並且與你嘅企業相關嘅網站先有用，否則追尋過多反向連結不單止對網站冇幫助，仲有機會比搜尋引擎判定為垃圾網站就得不償失喇😣！
4️⃣ 善用社交媒體：喺網站加入社交媒體嘅分享按鍵，鼓勵用戶將你嘅網站內容分享到佢哋嘅社交媒體平台上絕對可以增加網站嘅曝光率及流量，增加 SEO 嘅排名。
5️⃣ 網頁體驗系統優化：喺 2023 年 4 月，Google 將「頁面體驗系統」、「行動裝置友善排名系統」、「頁面速度系統」及「安全網站系統」嘅重要性轉為相對較低，只要做得唔太差就足夠☺️。但你都需要確保利用簡潔清晰嘅排版、善用分類導航菜單及內部連結，確保影像壓縮至正確尺寸令網站運行順暢🦾。另外使用響應式設計嚟確保你嘅網站喺各種屏幕尺寸都可以正常運作及呈現都好重要㗎，始終而家越嚟越多人使用行動裝置瀏覽網站。
6️⃣ 定期監察及分析：記得定期使用 SEO 工具，例如 Google Analytics 嚟監測你嘅網站流量、關鍵字排名及用戶行為等，分析呢啲數據再做出相應嘅調整及優化，SEO 排名自然就會慢慢提升啦！
SEO 絕對係一門學問，需要你持續了解最新嘅演算法，制定唔用嘅策略去提升效能。🦾千祈唔好諗住可以一勞永逸呀❗
